“Ia fala jetën Kosovës, tani paguhem 170 euro”, veterani i UÇK: Ndihemi të përbuzur

Veterani i UÇK-së Asllan Hasanaj ishte këtë të hënë i ftuar në “Good Morning Albania” për të folur rreth protestës që veteranët po zhvillojnë në Kosovë kundër ligjit për pagën minimale.

Ai tha se kategoria e veteranëve të cilat i kanë falur jetën Kosovës në kohën e luftës janë kategoria më e nënçmuar, pasi pensioni që ata marrin tani është vetëm 170 euro.

“Marrim 170 euro. Ne veteranët kërkojmë të përfshihemi në rritjen e pagave, sepse jemi kategoria më e rrezikuar në Kosovë dhe kategoria më e përbuzuar nga pushteti aktual. Unë nuk punoj jam kryefamiljar, me këto të ardhura jetoj.

Çmimet janë rritur 100% ndërsa të ardhurat nuk kanë lëvizur që prej 2011, kjo në matematik tregon se ne jemi kategoria më e nënçmuar. Ne kemi dhënë shumë për Kosovën, unë kam qenë zëvendës komandat dhe unë e familja ime ja kemi falë jetën Kosovës, tani përbuzemi nga qeveritarët tanë”,-tha Asllan Hasanaj në Euronews Albania.

LEXONI GJITHASHTU:

• Veteranët e UÇK protestojnë kundër ligjit për pagën minimale, ndihen të përjashtuar
• Soko: Duhet të jemi ekonomi eksporti, të ndjekim shembullin e Maqedonisë