Soko: Duhet të jemi ekonomi eksporti, të ndjekim shembullin e Maqedonisë

Eksperti i ekonomisë Pano Soko ishte këtë të diel në emisionin “Review” në Euronews Albania për të folur rreth rënies së euros dhe dëmit që ajo po sjell në ekonominë shqiptare.

Soko tha se një gjë që mund ta zgjidhte këtë do të ishte kalimi nga një ekonomi konsumi në ekonomi eksporti.

“Ne duhet të ishim shkëputur dhe duhet të kishim ndjekur Maqedoninë e cila nëse ne kemi rreth 55% të ekonomisë konsum, Maqedonia 60% të ekonomisë e ka eksport.

Kjo, kalimi nga një ekonomi konsumi në ekonomi eksporti është evolucioni i nevojshëm që i duhet një ekonomie për t’u maturuar në kapitalizëm. Do doja që Shqipëria të ecte drejt kësaj, por ne po e helmojmë eksportin e ligjshëm shqiptar”,-tha Pano Soko.

LEXONI GJITHASHTU:

• Rënia e euro në 102.2/ Gjergj Buxhuku: Shpjegimi i vetëm është paraja informale
• “3.4 miliard € jashtë sistemit bankar”, Zekja: Situata u ka dalë jashtë kontrollit