Ibrahimaj vizitë në Greqi, fton bizneset greke që të investojnë në Shqipëri

Ministrja e Financave dhe Ekonomisë, Delina Ibrahimaj zhvilloi një vizitë zyrtare në në Greqi, ku mori pjesë në forumin e biznesit Greqi- Shqipëri, zhvilluar në Athinë. Diskutimet në këtë forum u përqendruan në bashkëpunimin ekonomik mes Shqipërisë dhe Greqisë, me fokus kryesor në promovimin e investimeve dhe eksporteve.

Ministrja ftoi investitorët grekë të rrisin prezencën e tyre në Shqipëri, sidomos në sektorë si: energjia, turizmi, transporti apo infrastruktura.

Gjatë vitit 2021, importet e Shqipërisë nga Greqia zënë 11.4 për qind të totalit dhe eksportet kanë një peshë prej 3.2 për qind.

Ministrja Delina Ibrahimaj zhvilloi një takim edhe me ministrin e Ekonomisë të Greqisë, Christos Staikouras.

LEXONI GJITHASHTU:

• Katër shqetësimet e biznesit sipas Dhomës Amerikane të Tregtisë
• Berisha: Më 6 dhjetor do të jetë protesta e radhës e opozitës
• Opozita kundërshton për portin, Ngjela: Kush i pyet ata, për Shqipërinë është fat