Nuk ka fitues në derbin e parë të kryeqytetit, konkretisht sfidën Partizani-Dinamo, e cila përfundoi në shifrat 2-2. Në arenën e demave u luajtën 90 minuta tejet të luftuara deri në fund, ku dhe erdhën dy prej golave. Kjo ishte sfida e parë për trajnerin Ilir Daja, që nuk arriti dot të merrte 3 pikët edhe pse dinamovitët shënuan të parët me Mandelën që në nisje. Bintsuka barazoi në minutën e 33’ për të kthyer qetësinë tek të tijët.
Fraksioni i dytë foli më tepër për demat, që fali Arinaldo Rrapaj ishin shumë pranë fitores, pasi vlonjati realizoi një supergol në minutën e parë të shtesës. Kur u duk se ndeshja u mbyll, Lorenco Vila riktheu barazpeshën, duke bërë që Dinamo të mos dilte pa pikë. Paralelisht luhej Elbasani-Laçi, ku një gol i Gomes i mjaftoi vendësve të konfirmohen në krye edhe pas javës së 4.
Gara duket tepër interesante deri më tani, ku 4 ekipe janë me pikë të plota, Elbasani Partizani, Vllaznia dhe Egnatia. Të vetmet skuadra që nuk kanë asnjë fitore janë Tirana dhe Laçi.
