Ilirjana Kuçana: Niveli i Parlamentit ka rënë, duhet një nismë e fortë…

Në Euronews Albania në emisionin “Review” u diskutua mbi jetën politike që nis në 11 shtator me figura të vjetra politike por edhe mjaft figura të reja.

Sipas Ilirjana Kuçanës, anëtare e Këshillit Kombëtar të PD-së, nuk është i drejtë fakti që figurat e reja që do zënë një vend ashmë në Parlament të jenë pjesë e jetës politike. Kjo me arsyetimin sepse nuk kanë dhënë një kontribut ndaj qytetarëve.

“Mendoj se niveli i Parlamentit ka rënë. Kjo është këmbanë alarmi për Shqipërinë jo thjeshtë për partitë politike. Edhe ne që jemi njerëz me kontribut publik pastaj politik, mendoj që duhet të merret një nismë e fortë për të krijuar një standard politik që Shqipërisë i mungon dhe ka të bëjë me reputacionin e Shqipërisë.

Që Shqipëria të jetë pjesë e BE-së me njerëz pa asnjëlloj kontributi, me formim nën mesatar, kjo nuk e bën Shqipërinë europiane.

I vërtetë është edhe fakti se PD nuk arriti dot ta bënte as hapjen, as rinovimin e figurave të PD, duhej të kishte figura të tjera”, tha Ilirjana Kuçana.

LEXONI GJITHASHTU:

• “Non-Grata është kot”, Mediu: Berisha mund të aplikojë për vizën në SHBA
• “Detyrimi më absolut i PD”, Berisha: Betejë për të vërtetuar shkeljet zgjedhore