Inceneratorët| Avokati: Hetimi i cekët, Arben Dervishaj s’ka mbajtur detyra publike

Ish-zv. prokurori i përgjithshëm, Fatos Dervishi tha për “Review” në Euronews Albania se hetimi për inceneratorët është i cekët.

“Të hetosh është art, nuk është thjesht të mbledhësh dokumente,” – u shpreh ai.

Sipas tij bëhet fjalë për një hetim të njëanshëm duke përmendur këtu edhe arrestimin e biznesmenit Arben Dervishaj.

“Arben Dervishaj është i pafajshëm në masën më të lartë që mund të ekzistojë. Hetimi është i cekët, i njëanshëm, nuk është komplet shterues, ka nxituar në kryerjen e hetimeve. Hetimi do kohë, nuk mund të shkosh vetëm të mbledhësh dokumentet nëpër zyrat e shtetit apo të kujto që ke kërkuar dokumente,” – u shpreh avokati.

Dervishi tha se janë vënë para drejtësisë vetëm supervizorët privatë, ndërkohë që ata shtetërorë vijojnë të jenë të lirë.

LEXONI GJITHASHTU:

• Ç’mendojnë qytetarët për “Teatrin”, “Inceneratorët”, “Astirin” dhe “5 Majin”?
• GJKKO kalon për gjykim inceneratorin e Elbasanit, nuk pranohet gjykimi i shkurtuar