Indrit Sefa kundërshton përfshirjen e PD në koalicionin Berisha-Meta

Përfaqësuesi ligjor i Enkelejd Alibajt në Partinë Demokratike, Indrit Sefa ka kundërshtuar përfshirjen e kësaj force politike, në koalicionin “Bashkë Fitojmë’, të Sali Berishës dhe Ilir Metës.

Gjatë seancës së dëgjimit në Komisionin Qendror të Zgjedhjeve (KQZ), Sefa u shpreh se marrëveshja është e paligjshme, sepse vula dhe logo e PD i përket grupimit të  Alibeajt.

Sefa i kërkoi Komisionerit Shtetëror të Zgjedhjeve, Ilirjan Celibashi që ta rrëzojë kërkesën për këtë koalicion.

“Kjo marrrëveshje nuk është e ligjshme. Ndaj kërkojmë nga ana e komisionerit, në bazë të nenit 36, pika 3, të rrëzojë këtë kërkesë sepse në të është shprehur vullneti për Partinë  Demokratike nga persona të paautorizuar. Po jua konfirmoj në mbledhje publike, Partia Demokratike nuk ka bërë asnjë koalicion, aq më pak me Partinë e Lirisë, Partinë Demokristiane dhe PBDNJ”, theksoi ai.

LEXONI GJITHASHTU

• Sa janë shanset për të votuar Belind Këlliçin? Përgjigjen qytetarët e Tiranës
• Për kë do të votoni në 14 maj? Ja si përgjigjen qytetarët e Tiranës