‘Institucionet kanë funksionuar siç duhet’, Rama iu përgjigjet kritikëve

Pas ngjarjeve në Gramsh dhe Poliçan, kryeministri Edi Rama iu është përgjigjur reagimeve që kanë ardhur nga kritikët.

Sipas tij të gjithë kanë folur me zell për sigurinë kombëtare, por pa u fokusuar te e vërteta që sipas kryeministrit është se institucionet kanë funksionuar siç duhet.

Jo pak akuza ka pasur nga opozita se në Shqipëri mungon siguria, gjë që është pohuar dhe nga ekspertë të fushës vazhdimisht.

Shkrimi i plotë i Ramës në Twitter:

“Me u gjet Kola në punë!” është një shprehje popullore që kaq shumë u shkon mbrojtësve të zellshëm të Sigurisë Kombëtare, shfaqur me të gjitha bateritë në ekrane, portale e faqe personale, duke mos lënë gjë pa thënë përveç të vërtetës: Institucionet kanë funksionuar siç duhet!

“Me u gjet Kola në punë!” është një shprehje popullore që kaq shumë u shkron mbrojtësve të zellshëm të Sigurisë Kombëtare,shfaqur me të gjitha bateritë në ekrane,portale e faqe personale,duke mos lënë gjë pa thënë përveç të vërtetës: Institucionet kanë funksionuar siç duhet!

— Edi Rama (@ediramaal) August 21, 2022

Dje dy rusë dhe një ukrainas tentuan të hyjnë në depon e armatimit në Gramsh, duke lënduar dhe dy ushtarë që ruanin zonën, ndërsa sot dy çekë u arrestuan brenda tuneleve të uzinës në Poliçan duke fotografuar, ndërsa bashkëjetueset e tyre prisnin jashtë.

LEXONI GJITHASHTU:

• ‘Putin u poshtërua’, media britanike shkruan për ngjarjen në Gramsh
• Banorja pranë uzinës në Poliçan: S’e kuptoj si kanë hyrë çekët, tunelet ruhen