Institucionet të gjejnë mënyra punësimi për të rinjtë e shkollave profesionale, thotë ish-zv.ministrja

Institucionet përgjegjëse duhet të bëjnë një analizë të nxënësve që marrin formim profesional, por nuk kanë kryer praktikë, thotë ish-zv.ministrja e Arsimit, Nora Malaj.

Në një intervistë për emisionin “Mirëmëngjes” znj.Malaj u shpreh se duhen bërë analiza për të parë nivelin e nxënësve që kryejnë shkollat profesionale.

“Duhet një ndërhyrje institucionale, duke bërë një analizë të situatës, këtë detyrë e ka Ministria e Financave që mbulon edhe sistemin e arsimit profesional, për të bërë rezultatet, si kanë dalë nxënësit këtë periudhë, për të parë shkallën e formimit”, tha ajo.

Znj. Malaj nënvizoi se duhet të gjendjen mënyra nga ana e institucioneve dhe bizneseve që këta të rinj të futen në tregun e punës.

Ajo shtoi se të gjithë operatorët privatë duhet të koordinohen për të futur edhe një sistem pagash për të rinjtë që mbarojnë këto shkolla.

LEXONI GJITHASHTU:

• Profesionistë pa praktikë, nxënësit tregojnë vështirësitë gjatë pandemisë