Integrim në BE para normalizimit të raporteve Kosovë-Serbi, Vuçiç: Jemi të hapur…

Presidenti serb, Aleksandar Vuçiç gjatë samitit të Zgjerimit të Euronews është pyetur lidhur me marrëdhënien me Kosovën. Gazetarja e “Euronews Albania”, Alice Taylor ka pyetur ekskluzivisht Vuçiç nëse do ta konsideronte heqjen e normalizimit të marrëdhënieve me Kosovën nga procesi i anëtarësimit në BE, në mënyrë që të dy vendet të mund të anëtarësohen fillimisht dhe pastaj t’i zgjidhin çështjet mes tyre më vonë.

Vuçiç u përgjigj se Serbia ka qenë e hapur kundrejt Evropës për të diskutuar dhe tejkaluar vështirësitë. Ai shtoi se janë të hapur për të diskutuar çdo ide.

Intervista:

Gazetarja: Në një intervistë javën e kaluar, ish-presidenti i Këshillit Evropian, Charles Michel, sugjeroi se ndoshta çështja e normalizimit të marrëdhënieve midis Kosovës dhe Serbisë mund të hiqet nga tryeza, në mënyrë që të dy vendet të mund të anëtarësohen në Bashkimin Evropian, ndërsa procesi i normalizimit të trajtohet jashtë procesit të anëtarësimit. Kjo ishte ide e Charles Michel. Çfarë mendoni për këtë?

Vuçiç: Kam folur me Charles disa herë për këtë, përpara se të largoheshe nga posti i Presidentit të Këshillit. Besoj se na duhen ide të reja, jashtë kornizave tradicionale, për të zgjidhur të gjitha çështjet e Ballkanit Perëndimor. Ne i përkasim Evropës.

Dhe gjithmonë kemi qenë shumë të gatshëm të diskutojmë çdo ide që ndihmon në kapërcimin e vështirësive të sotme. Pa asnjë dyshim, jemi të gatshëm të shqyrtojmë çdo ide që mund të ndihmojë në arritjen e anëtarësimit të plotë në BE, sa më shpejt të jetë e mundur.

LEXONI GJITHASHTU:

• Qeveria depoziton në Kuvend pr.buxhetin për vitin 2026, parashikohet 8.8 mld euro
• Ministria për Evropën dhe Punët e Jashtme reagon për Raportin e Progresit 2025