Intervistë nga vendi më i lumtur në botë, banori lokal zbulon arsyet dhe këndon live

Operatori turistik Elton Çaushi, ishte i ftuar këtë të mërkurë në emisionin “Goodmornings Albanians”, ku dha një intervistë nga ai që cilësohet si vendi më i lumtur në botë, Bhutani.

Çaushi prezantoi dhe një mikun e tij, banor lokal, Xhimin, i cili foli dhe dha më shumë detaje mbi jetën në vendin e tij në mes të maleve Himalaje.

Xhimi tha se Bhutani ka një natyrë të mrekullueshme mes maleve, ku mjedisi është një nga faktorët kryesor të lumturisë në këtë vend.

Gjithashtu ai tha se kultura unike e bën këtë vend mjaft të veçantë, duke zgjedhur të përshëndeste të gjithë shikuesit e Euronews Albania me një këngë tradicionale të vendit të tij, “Beautiful Bhutan”.

“Jeta është e mrekullkueshme në Butan. Jeta është e bukur. Ne kemi një natyrë shumë të bukur siç e keni parë, kemi male dhe kemi një kulturë unike. Unë nuk kam menduar që të iki nga Bhutani. Unë jam rritur mes maleve, i rrethuar nga malet. Nganjëherë unë dua të dal jashtë, të udhëtoj dhe vizitoj vende të reja dhe të kthehem këtu”, tha Çaushi.