Investigimi i Rai3, Meloni: Për të sulmuar qeverinë italiane, po goditet një partner

Kryeministrja italiane,Giorgia Meloni, deklaroi gjatë konferencës së përbashkët për shtyp me kryeministrin Rama, se investigimi i Rai 3 nuk ka pasur objektivin e vërtetë të goditjes qeverinë shqiptare por atë italiane.

Meloni tha se mediat fqinje në tentativë për të sulmuar Italinë, po godasin me të padrejtë me një vend partner si Shqipëria.

Kryeministrja italiane shprehu gatishmërinë e saj për të hedhur poshtë atë që ajo e cilësoi si një përbaltje të qëllimshme të mediave italiane.

“Mendoj se arsyeja e vërtetë nuk është që të sulmohet populli shqiptar dhe qeveria shqiptare, janë pozicione apo qëndrime të ligjshme të legjitimuara, që janë armiqësore ndaj qeverisë italiane dhe që luajnë në këndvështrimin e tyre duke shpalosur qëndrimin e tyre. Duhet vlerësuar fakti që për të sulmuar qeverinë italiane goditet apo sulmohet një partner, Këtu nuk po dëmtohet vetëm qeveria italiane, por edhe Italia.

Shtypi italian ka bërë një zgjedhje të saj. Unë shpreh gatishmërinë dhe solidaritetin tim për ta hedhur poshtë këtë përbaltje dhe premtoj që në të ardhmen të jemi më të vëmendshëm ndaj marrëveshjeve që realizojmë. Nuk mund të vëmë në rrezik apo të komprometojmë marrëdhëniet e fqinjësisë”, tha Meloni.

LEXONI GJITHASHTU:

• “Vonesat, për shkak të terrenit”- Meloni: Kur nisin punën kampet e emigrantëve
• “Po ndihmon Melonin” Rama i përgjigjet nga Shëngjini kritikave të së majtës italiane