Investime në shkolla e kopshte, Bankers kontribuon te arsimi në zonën e Fierit

Investimi te brezat e rinj dhe përmirësimi i kushteve për ta, është një nga fushat kryesore të programeve të përgjegjësisë sociale të Bankers Petrolium Albania.

“Siç dihet kompania Bankers e ushtron aktivitetin e saj edhe në territorin e Bashkisë Patos. Prej shumë vitesh kemi pasur një komunikim bashkëpunimi për të atakuar në pikat e interesit të përbashkët në zonë, për t’i ardhur në ndihmë komunitetit,” u shpreh Rajmonda Balili, kryetare e Bashkisë Patos.

Për Bankers të rinjtë janë e ardhmja e zonës dhe prandaj investimi për ta, jo vetëm ndikon në përmirësimin e kushteve aktuale të edukimit dhe shkollimit, por dhe ndikon në ngritjen e një brezi të aftë për të zhvilluar edhe më tej zonën.

“Kemi rikonstruktuar shkollën e Belinës, e cila ka ardhur në ndihmë të komunitetit për fëmijët e atij fshati, njëkohësisht kemi bërë rikonstruksionin e pjesshëm të shkollës “Koli Dimo” në Frashër, e cila ka qenë një nga prioritetet tona,” tha Balili.

Ndër vite Bankers Petrolium Albania ka investuar në ngritjen dhe restaurimin e dhjetëra shkollave dhe kopshteve në zonën e Patosit, Roskovecit dhe Fierit.

“Po kështu kemi ndërhyrë dhe në disa nga projektet mjedisore të cilat në bashkëpunim dhe jo në bashkëfinancim me kompaninë Bankers kemi shtuar gjelbërimin në zonë, kemi shtuar njëkohësisht edhe në disa nga segmentet kryesore ku operon Bankers, por njëkohësisht iu vijmë në ndihmë edhe tokave të fermerëve”

Falë investimeve të kryera nga Bankers sot fëmijët e shkollave Frashër, Belinë, Zhupan, Kraps e Patos mësojnë në kushte më të mira dhe dinjitoze.

Vëmendje ka pasur edhe në fëmijët e moshave parashkollore me investimet në kopshtet e Lalarit dhe Belinës.

LEXONI GJITHASHTU:

• Bankers ofron 100 mijë $ për rikonstruksionin e fushës sportive dhe njësinë administrative në Zharrëz
• Bankers Petroleum investoi mbi 7.5 milionë $ për projekte në shërbim të komunitetit
• Bankers Petroleum Albania, 1.2 milionë dollarë investime në Patos-Marinzë