Ish-ambasadori: Forcat serbe në Mal të Zi do kërkojnë referendum kundër pavarësisë

Ish-ambasadori i Malit të Zi në Kosovë, Ferhat Dinosha deklaroi se forcat serbe në Mal të Zi do kërkojnë një referendum kundër pavarësisë të shpallur në vitin 2006.

Në një intervistë për Euronews Albania, Dinosha u shpreh se këto forca, shohin shansin e fundit për të kapur qeverinë në Malin e Zi.

“Unë sot lexova, pikërisht sot, një intervistë të zotit Andrija Mandiç, i cili është  njeriu kryesor i Frontit Demokratik, është krye të një partie serbe dhe ai i ka të qarta dhe të hapura mendimet e veta. Ka thënë, një vullnet popullor ishte në vitin 2006, duke menduar për referendumin për pavarësi, por mund të vijë koha që të ketë një vullnet tjetër popullor dhe ne do ta testojmë.

Për pavarësinë dhe për ndërrimin e politikave perëndimore të Malit të Zi. Unë kam qenë gjatë edhe në parlament, ish-koleg me të. Ai ka kohë që është në parlamentin e Malit të Zi si përfaqësues i një partie serbe, e cila udhëheq Frontin Demokratik dhe kam bindjen se këto forca shohin shansin e fundit që të kapin qeverinë në duart e veta”, theksoi ai.

LEXONI GJITHASHTU

• Abazoviç po i shërben politikës serbo-ruse? Flet ish-ambasadori
• ‘Mos u përpiqni të formoni qeveri’, mesazhi i Escobar-it për Malin e Zi
• Abazoviç: Mali i Zi do mbështesë Kosovën në rrugëtimin e saj drejt BE-së