Ish-drejtuesi i Hamasit: Ushtarë apo civilë janë njësoj, armiq dhe pushtues

Khalid Meshal, një ish-udhëheqës i Hamasit ka thënë se ajo që bënë militantët të shtunën e kaluar ishte “një përpjekje për t’i dhënë fund okupimit izraelit” dhe se ai është “krenar” për ta.

Duke folur për Haberturk TV, Meshal, i cili është kreu i punëve të jashtme të Hamasit, shtoi se konflikti nuk filloi javën e kaluar, por në vitin 1948-ën.

“Izraeli ka thënë se ushtria e tyre ishte më e forta dhe e pamposhtura. Kur pamë se ata u mundën brenda pak orësh, edhe ne u habitëm,” tha ai.

Kur u pyet për sulmet e militantëve të Hamasit ndaj civilëve, fëmijëve dhe të moshuarve, ai tha: “Ne vazhduam t’u thoshim atyre që të mos e bënin këtë. Por në kohë lufte, këto incidente mund të ndodhin. A nuk është ajo që Izraeli thotë gjithmonë, që ata nuk i vrasin civilët qëllimisht?”

I pyetur nëse Hamasi ka bërë të njëjtën gjë siç akuzon Izraelin, Meshal tha: “Ka ndryshim të madh. Ne jemi pronarët e kësaj toke. Kur armiku vjen nga jashtë, qoftë ushtarë apo civilë, ata janë të gjithë armiq. Kushdo që vjen në tokën time për ta pushtuar është armik dhe fajtor.”

LEXONI GJITHASHTU: 

• Izraeli nis sulmin në shkallë të gjerë, Euronews Albania siguron videot ekskluzive
• Pamje Ekskluzive nga Euronews Albania. Raketat mbi qytetin Ashkalon në Izrael
• Sirena alarmi e raketa në qiell, Euronews Albania kap momentet dramatike nga lufta