Ish-kreu i Vetëvendosjes: Si Rama po i fshihet të vërtetës për Kosovën

Boiken Abazi ish-kreu i Vetëvendosjes thotë se Rama duhet të thoshte të vërtetën e plotë mbi Serbinë dhe jo të mbulonte të kaluarën.

Në emisionin Now në Euronews Albania, Abazi u shpreh se me fjalimin e tij në Asamblenë e KiE, Rama u përpoq t’i ikte historisë, teksa ende nuk e quan gjenocid atë që bëri Serbia në Kosovë, por spastrim etnik.

“Nuk mund t’i ikësh asnjëherë historisë. Vetë Rama e tha varet çfarë nxjerrin në pah, cilat të vërteta themi. dhe një tjetër problem është që ai e quan spastrim etnik jo gjenocid, ndërkohë që kemi një rezolutë të miratuar nga Kuvendi i Kosovës, edhe ne kemi çuar një rezolutë për të njohur si gjenocid, që nuk u mor parasysh nga Kuvendi i Shqipërisë. Do të dëshironim që kryeministri ynë të thoshte të vërtetën e plotë mbi Serbinë dhe jo të mbulojë të kaluarën që nuk e quajti gjenocid”, tha Abazi.

LEXONI GJITHASHTU:

• “Fjalim folklorik”, Babaramo: Pse Edi Rama foli pas kaq shumë vitesh
• ‘UÇK rrezikon të dënohet më shumë se serbët’, gazetari: Mos i hyni në hak Ramës