Ish-ministrja e Arsimit: S’ka regjistra në shkolla, notat në bllok shënimesh

“Prej 4 muajsh në shkolla nuk ka regjistra”. Kështu deklaroi për emisionin “Mirëmëngjes” në Euronews Albania ish-ministrja e Arsimit, Mirela Karabina, e cila nënvizoi se mungon dokumenti zyrtar.

“Shkollat janë pa një dokument zyrtar. Nuk është një bllok shënimesh që mban mësuesi. Prej 4 muajsh mos ketë regjistra në klasa, do të thotë që ne i kemi dhënë nxënësit një model të mos-serioziteti”, deklaroi ajo.

Znj. Karabina tha se nuk ekzistojnë në asnjë shkollë regjistrat elektronikë.

“Ne nuk e kemi ndërtuar një infrastrukturë digjitale për nxënësit”, tha ish-ministrja.

Ndërkohë, mësuesja Luiza Nezha tregoi se regjistrat janë shpërndarë vetëm në disa shkolla.

“Në shkollën tonë nuk  kanë ardhur regjistrat. Një shpërndaje e copëzuar e regjistrave në të gjitha vendin. Notat i kemi mbajtur në regjistra individual, kemi një regjistër të improvizuar”, u shpreh ajo.

Sipas mësueses nuk ka ende një sistem elektronik për hedhjen e notave dhe se mësuesit nuk janë trajnuar për këtë proces.