English

Ish-zv.kryeministri serb: 5 shtetet mosnjohëse s’do ta njohin Kosovën edhe pas Ohrit

KOMENTE

SHPERNDAJE
ARTIKULLIN

Text sizeAa Aa

Ish-zv.kryeministri i Serbisë Zharko Koraç tha në një intervistë për emisionin Balkan Talks në Euronews Albania se 5 shtetet mosnjohëse të BE nuk do ta njohin Kosovën shtet të pavarur edhe pas marrëveshjes së Ohrit.

- Advertisement -

Sipas tij, mes pesëshes mosnjohëse ka nga ato, si Spanja dhe Qipro, që kanë arsyet e tyre të brendshme për ta kundërshtuar pavarësinë e Kosovës.

“Fatkeqësisht, jo. Nuk e mendoj. E kam parë që Prishtina është shumë optimiste për këtë çështje, por mendoj se gabojnë. Do t’ju jap një arsye. Mendoj se këto 5 vende, disa prej tyre, si Spanja dhe Qiproja, kanë problemet e tyre të brendshme, kanë fare pak lidhje me problemet e Kosovës, le të themi. Siç e dini, Spanja ka probleme me Katalonian dhe Qipro ka probleme me të ashtuquajturën Republikën Turke të Qipros, të cilën s’e njeh asnjë shtet i botës përveç vetë Turqisë. Pra, këto vende kanë, si të thuash, arsyet e tyre të brendshme për të kundërshtuar. Në fund të ditës, mendoj se do ta njohin Kosovën, por për momentin e njohin pasaportën e Kosovës, me sa di unë, njohin dokumentet kosovare, për shembull, Sllovakia nuk e njeh Kosovën, por i njohin pasaportat. Pra, ideja është nuk mund t’i ndalosh udhëtimet nga Kosova dhe mendoj se është turp i madh për Evropën që Kosova në janarin e vitit të ardhshëm do të ketë liberalizmin e vizave ku populli i Kosovës do të udhëtojë pa viza, sepse Kosova është e vetmja pjesë e Evropës ku ka ende regjimin e vizave”, tha Koraç.

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Altin Dumani paraqiti raportin e Prokurorisë së Posaçme, si e vlerësoni punën e SPAK për vitin 2023?
×