“Isha i dashuruar pas heroinës”, Marseli u jep mesazh ish-gruas dhe familjes së tij

Marseli, një i ri i cili prej 10 vitesh është i varur nga heroina, tregoi për emisonin “Real People” në Euronews Albania, se këtë lëndë narkotike e provoi për herë të parë në moshën 19-vjeçare.

Ai u shpreh se droga ia shkatërroi familjen, madje ishte më i dashuruar pas heroinës, se pas familjarëve të tij.

I riu, i dërgoi edhe një mesazh gruas dhe fëmijëve të tij, duke u thënë se i do shumë dhe se po ndryshon.

“Droga mua më shkatërroi familjen. E kam nisur që 19 vjeç, tani jam 31 vjeç. Kam kaluar edhe overdozë, kur e kam tepruar. Isha dashuruar mbas asaj droge, nuk ishte i dashuruar pas familjes sime.

Ndoshta ia transmetoj këtë lajm fëmijëve të mi, ish-bashkëshortes sime që unë nuk jam më i asaj rruge. I dua shumë, i përqafoj shumë, nuk i harroj sa të jetë jeta ime. Jam babai i tyre, janë fëmijët e mi, më dhimbsen shumë. Unë dua të bashkohem prapë me familjen time”, theksoi ai.

LEXONI GJITHASHTU

• Për 10 vite përdorues heroine, Marseli rrëfen për “Real People” momentet e vështira
• “S’na folën, u mërzitën”, Vjollca tregon si e pritën djemtë daljen e saj televizive
• “Miqtë më bërtisnin pse fola publikisht”, Vjollca tregon momentet e vështira