“Ishim të fundit në rajon” Rama: Luftuam për rritjen e pagave, të tjerat janë dokrra

“Luftuam për rritjen e pagave”, kështu tha kryeministri Rama duke shtuar se në fillim të qeverisjes së tij Shqipëria ishte e fundit për pagat e administratës në rajon ndërsa sot do vendoset në nivelet më të larta.

Ai tha se Shqipëria në kohën kur ai nisi qeverisjen ishte e fundit dhe me dieferencë në rajon sa u takon pagave të administratës publike e për rritjen e tyre ju desh të luftonin. Ndërsa akuzat e opozitës sipas tij janë “dokrra hini”.

“Pasqyra e pjesëmarrjes flet pak më ndryshe. Shqiptarët nuk na kanë braktisur ne të gjithëve, ata braktisën një pjesë nga ne. Sa i takon pjesës së majtë që unë përfaqësoj, shqiptarët jo vetëm nuk na kanë braktisur por na kanë mbështetur më shumë se më parë.

Braktisësit e të gjitha moshave, kërkojini te mënyra se si e lexoni këtë botë, si e mendoni Shqipërinë, te mënyra si e interpretoni Shqipërinë dhe shqiptarët. Kjo është një këshillë e pakërkuar që unë ua kam dhënë që në fillim. Sot jam i lehtësuar se vijmë për të kaluar një projekt të cilin kemi dashur ta kalojmë vite më parë e për të cilin kemi luftuar çdo ditë.

E kemi marrë këtë vend kur tabela e klasifikimit ishte 259 euro paga mesatare, ndërkohë që Kosova e kishte 444 euro, Serbia 537 euro dhe Mali i zi 726 euro. kemi qenë jo thjeshtë të fundit, por të fundit me diferencë. Sot ne i hapim rrugën një procesi që në harkun e këtij viti, pra në prillin e ardhshëm do na çojë në pagën mesatare 900 euro. Me këtë parashikim ne ngjitemi në nivelet më të larta të rajonit”,-tha Rama.

LEXONI GJITHASHTU:

• Premton Sula: Rritja e pagës time do të shkoj për Shoqatën e Jetimëve në Peqin
• Aleatët diskutojnë ndihma të reja për Ukrainën, Rusia intensifikon sulmet