“Ishte i qetë”- Zbardhet dëshmia e gruas ku u fsheh vrasësi i 51-vjeçarit në Shkodër

Lekë Vuksani, autori i dyshuar i vrasjes së Petrit Vuksanit para grupit hetimor ka pranuar krimin. Qiraja e shtëpisë ka qenë shkak që çoj në ekzekutimin e 51-vjeçarit.

“Me Petritin jemi njohur sepse edhe ai është nga Dukagjini. I kam marrë shtëpinë me qira duke qenë se ndodhej në Angli. Muajt e fundit kemi patur disa debate për qiranë e shtëpisë por edhe për pagesat e ujit dhe të energjisë elektrike. Atë ditë kur ndodhi vrasja Petriti erdhi dhe më nxori nga shtëpia. Unë u ktheva dhe e gjeta vetëm. Aty kemi debatuar dhe në debat e sipër gjeta një automatik që nuk është i imi, por i Petritit. Në debat e sipër kam marrë armën dhe e kam qëlluar.”

Policia mori në pyetje edhe 34-vjeçaren ku për 21 orë qëndroi në banesën e saj për t’iu fshehur policisë Lekë Vuksani.

“Leka erdhi në banesën time dhe u fut brenda pasi më kërkoi t’i hapja derën. Kur u fut shoh që kishte armën në dorë dhe nuk dija si të veproja. Leka më tha se nuk do të bëj asgjë ndaj mos u tremb, kam ardhur vetëm për të qëndruar këtu. Nuk e dija se çfarë të bëja sepse ishte errësirë. Më tha që të mos tregoj se ndodhej aty deri sa erdhi policia dhe e arrestoi. Pavarësisht se më tha që të mos kem frikë, isha e frikësuar edhe pse gjatë kohës që qëndroi bëri një sjellje normale.”

Policia ka prova të mjaftueshme që autori i krimit Lekë Vuksani nuk e ka marrë armën e krimit në banesën e viktimës por ka ardhur i armatosur në vendngjarje.

LEXONI GJITHASHTU: 

• “S’mbaj mend asgjë”- Flet burri që qëlloi me sëpatë në kokë gruan pas sherrit banal
• Vrasje me armë zjarri në Shkodër, humb jetën 48-vjeçari
• “Sa ishte kthyer nga Anglia”- Del fotoja e viktimës, autorët e qëlluan në banesë