I shpallur në kërkim nga SPAK, arrestohet në Nikël Marklen Haka

Është arrestuar gjatë një operacioni të zhvilluar në Nikël, Marklen Haka. Ai ishte shpallur në kërkim nga SPAK në kuadër të operacionit Revanshi.

Haka është cilësuar me rrezikshmëri të lartë shoqërore dhe tendencë në krimet kundër personit, jetës dhe pronës.

Nga komunikimet e zbardhura ne SKY ECC ka rezultuar se Haka komunikonte me Ervis Martinaj dhe me Emiljano Shullazin

Marklen Haka, alias Marklen Aliu i datëlindjes 04.04.1991, lindur në Krujë dhe banues në lagjen e Hakave është i dyshuar për veprat penale të: 31.1. “Vrasje me paramendim”, e mbetur në tentativë, në dëm të shtetasit Durim Bami, ngjarje e ndodhur në datën 04.11.2020 në qtetin e Tiranës, kryer në formë të veçantë të bashkëpunimit, atë të grupit të strukturuar kriminal, “Grupi i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale”, parashikuar nga nenet 78/2, 22, 28/4, 333/a/2 dhe 334 të Kodit Penal. 31.2.

“Sigurimi i kushteve dhe i mjeteve materiale për të kryer vrasje”, në dëm të shtetasit Durim Bami, kryer në formë të veçantë të bashkëpunimit, atë të grupit të strukturuar kriminal, “Grup i strukturuar kriminal” dhe “Pjesëmarrje në grup të strukturuar kriminal”, të parashikuara nga nenet 80, 28/4, 333/a e 334 të Kodit Penal. 31.3.

“Mbajtja pa leje dhe prodhimi i armëve, armeve shpërthyese dhe municionit”, ne bashkëpunim ne formën e “Grupit të strukturuar kriminal”, parashikuar nga nenet 278/1, 28/4, 333/a/2 dhe 334 të Kodit Penal.

LEXONI GJITHASHTU:

• Kundërshtar i Durim Bamit, ndalohet në Dubai Marklen Haka
• “Shakaja fatale”- Video që po trondit rrjetin, i riu zhduket në ujërat e Bahamasit