Shqipëria merr barazim në Islandë

Shqipëria dhe Islanda kanë ndarë nga 1 pikë në ndeshjen e vlefshme për Grupin 2 në Ligën e Kombeve.

Në takimin e luajtur të hënën në mbrëmjen në Reykjavík, rezultati final ishte 1-1.

Fillimisht, Shqipëria kaloi në avantazh me gol të shënuar nga Taulant Seferi.

Sulmuesi kuqezi përfitoi nga një gabim i mbrojtjes kundërshtare për të shënuar në minutën e 30’.

Në minutat e para të pjesës së dytë, Islanda ka arritur që të barazojë rezultatin me gol të sulmuesit Dagur Thorsteinsson.

Kjo ishte ndeshja e parë për kuqezinjtë në Grupin 2 për Ligën e Kombeve.

Islanda ndërkohë vinte pas një barazimi 2-2 me Izraelin.

Në grupin e kuqezinjve bënte pjesë dhe Rusia, e cila për shkak të luftës në Ukrainë, është përjashtuar nga gara.

Albania strikes first! 🇦🇱

📺 @fuboTV pic.twitter.com/YY6rpPEzOA

— FOX Soccer (@FOXSoccer) June 6, 2022