Italia projekton formacionin kundër Shqipërisë, synohet fitorja

Ndeshjen e parë ndaj Shqipërisë e ka cilësuar të vështirë, e për këtë fakt duhet që formacioni të jetë kompakt. Luciano Spalletti thuajsei ka shuar të gjitha dilemat në prag të kampionatit evropian, ku duelin e parë, debutues për këtë edicion e ka pikërisht ndaj kuqezinjve. Tekniku ka përpiluar formacionin për 15 qershorin, ndërsa nuk priten shumë ndryshime, ku pritet të aplikohet një 3-4-1-2.

Në katërkëndësh Donarumma mbetet i paprekshëm, ndërsa në mbrojtjen me 3, do të jenë Bastoni, Buongiorno dhe Di Lorenzo. Përpara tyre qëndron dyshja Cristiante-Jorginho, nga e majta Di Marco e djathtas Cambiaso, ky i fundit në dyshim. Më i avancuar do të jetë një ndër lojtarët e preferuar të Spallettit, Frattesi, teksa dyshja e sulmit pritet Scammaca-Chiesa.

Një formacion me të cilin axurrët synojnë të kalojnë pengesën kuqezi, pavarësisht se nuk pritet të jetë e lehtë. Spalletti konfirmoi se skuadra e tij nuk do të mbrohet në duelin e parë, kjo dhe nga cilësitë e kundërshtarit, që janë më të ulta në krahasim me përballjet pasardhëse ndaj Kroacisë e Spanjës.

LEXONI GJITHASHTU:

• U la jashtë Euro2024, Cikalleshi tërhiqet nga kombëtarja e futbollit
• Silvinjo e la jshtë Euro2024, reagon ashpër menaxheri i Uzunit: Nuk e meriton këtë