Jakaj: Nëse lexon librin e Mamaqit, sheh që ai ka një botë të madhe shpirtërore

Ish-Drejtoresha e Burgut të Grave, Xhoi Jakaj thotë se jo çdo person mund të jetë i aftë që të shkruajë një libër, megjithatë nuk është kundër krijimit të diçkaje të re që mund t’i shëbejë publikut.

Në një intervistë për Euronews Albania, Jakaj u shpreh se personazhet VIP, duan të marrin vëmendje nga gjithçka, edhe nga librat.

Ajo iu referua rastit të aktorit, Ermal Mamaqit, për të cilin tha se dikur e shihte me skepticizëm në rolin e shkrimtarit.

Por pasi ka lexuar librin e tij, Jaka deklaroi se Mamaqi ka një botë të madhe shpirtërore.

“Kurrsesi nuk mundet që çdo person të shkruajë një libër. Në fakt, personazhet kur vishen me një mantel të të ashtuquajturit VIP, në tregun e medias dhe rrjeteve sociale, pastaj duan të marrin vëmendje nga gjithçka. Megjithatë, asgjë e prodhuar totalisht nga një person, nuk është e dëmshme. Nëse dalin shumë libra, shumë këngë, koha i selekton.

Gjithkush që ka dëshirë të bëjë diçka, nuk jam kundra. Jam kundra histerisë kolektive që është ngjallur kohët e fundit, për librin e Ermal Mamaqit. Unë personalisht e njoh, kemi disa bashkëpunime. Nëse e lexon nga afër, shikon që ka një botë shumë të madhe shpirtërore. E kam parë dikur me skepticizë, kur kam marrë pjesë në një seminar të tillë, kam thënë që paska diçka për të mësuar. Gjithkush që shkruan një libër, është motivues në një farë forme”, theksoi ajo.

LEXONI GJITHASHTU

• Hapet panairi i librit, më shumë se 97 shtëpi botuese nga mbarë trevat shqipfolëse
• Rikthehet panairi i librit pas dy vitesh mungesë
• 95 shtëpi botuese në Panairin e Librit, Ymeri: Punojmë vetëm për 20% të shqiptarëve