“Jam i trishtuar dhe i zhgënjyer”- Holanda humbet një nga lojtarët më të mirë

Dëmtimi i pësuar në ndeshjet e fundit me Barcelonën në La Liga, i ka kushtuar mesfushorit De Jong, vendin në Euro 2024. 27-vjeçari ka braktisur grumbullimin për shkak të lëndimit, ndërsa stafi mjekësor ka konfirmuar se rikuperimi kërkon më tepër kohë nga ajo në dispozicion. De Jong u thirr nga trajneri Koeman, por nuk mori pjesë në asnjë prej seancave stërvitore me skuadrën, por kur duhet dhe pak ditë nga nisja e Euro 2024, u konfirmua largimi i tij.

Një shqetësim i madh për trajnerin e tulipanëve, ndërsa një reagim bëri dhe vetë lojtari në rrjetet sociale. “Jam i trishtuar dhe i zhgënjyer që nuk mund të shkoj në Europian. Kemi bërë shumë punë në javët e fundit, por për fat të keq kavilja ime kërkon më shumë punë”, shkroi De Jong.

Holanda zhvilloi dhe miqësoren e fundit në prag të Euro 2024, duke mposhtur Islandën në shifrat 4-0. Tulipanët dominuan plotësisht ndeshjen, ndërsa golat u shënuan nga Simons, Van Dijk, Malen e Weghorst. Sfida e radhës është ajo ndaj Polonisë në Euro 2024, ku pjesë e grupit D janë dhe Franca e Austria.

LEXONI GJITHASHTU:

• Gjermania “e pushtuar” nga ngjyrat kuq e zi, Baku: Do ketë organizime në çdo qytet
• Tensione në kombëtaren gjermane, 2 futbollistë përplasen në stërvitje