Tensione në kombëtaren gjermane, 2 futbollistë përplasen në stërvitje

Kur duhet që të gjithë të ishin të bashkuar dhe gati për ti ëbrë ballë kampionatit evropian, me një motiv më tepër pasi e luajnë në shtëpi, lojtarët e Gjermanisë vijojnë të kenë probleme. Kritikat për trajnerin Nagelsmann kanë qenë të shumta, kryesisht për listën, me lënien jashtë të lojtarëve si Gnabry, Emre Can apo Hummels, por krahas kësaj, atmosfera në skuadër nuk është aq pozitive sa duket.

Në seancën e fundit, një episod i pakëndshëm është regjistruar, ku lojtarët janë përplasur me njëri-tjetritn, teksa debate gati sa nuk çoi në përplasje fizike. Qendërmbrojtësi Rudiger dhe sulmuesi Fullkrug ishin protagonistë, personazhe të cilët e kanë treguar dhe më herët se në fushë, nuk e tolerojnë njëri-tjetrin. Në stërvitjen me dyer të hapura, dyshja janë përplasur me njëri-tjetrin, e gjithçka erdhi pas ndërhyrjeve të ashpra të Rudiger, sa për pak nuk e dëmtoi bomberin verdhezi.

Ky i fundit shpërtheu në tone të ashpra, ndërsa u desh ndërhyrja e stafit teknik për të qetësuar gjakrat, si dhe lojtarëve të tjerë të cilët distancuan shokët e skuadrës nga njëri-tjetri. Një episode që nuk i pëlqeu Nagelsmann, i cili diskutoi me futbollistët, ndërsa nuk raportohet për marrje masash.

LEXONI GJITHASHTU:

• Gjermania “e pushtuar” nga ngjyrat kuq e zi, Baku: Do ketë organizime në çdo qytet
• Gjermania rrit masat e sigurisë për Kampionatin Evropian të Futbollit