Java e 28-të e kampionatit shqiptar pritet të prodhojë futboll interesant, krahasuar me ndeshjet e tjera në bazë të renditjes, pasi në fushë zbresin 4 ekipet e kreut, që sfidojnë njëra-tjetrën. Vllaznia-Partizani në Loro Borici dhe Egnatia që do të provojë të mbajë vendin e parë, e pret në shtëpi Dinamon.
Trajneri Ilir Daja e vlerësoi kundërshtarin për atë çka po i jep futbollit vendës.
“Kemi një ndeshje me të vërtetë të vështirë, Egnatia me meritë kryeson klasifikimin, është kampionia në fuqi. Kemi kundërshtar që ka manovra të konsoliduara, për meritë të trajnerit e stafit, një kontigjent gati me role të dubluara”,- tha Ilir Daja, trajner i Dinamos.
Koha e paktë në dispozicion për përgatitjen e kësaj përballje ka qenë një shqetësim për nëndetësen.
“Të dielën luajmë, të mërkurën e të hënën, të bëhej shpërndarje e rregullt, të kishim 4 ditë në dispozicon, që të përgatitemi, por jo vetëm ne po kushdo. Koha nuk ka qenë në favor për përgaitjen e ndeshjes”, tha Ilir Daja, trajner i Dinamos.
Në duelet direkte secila ka nga një fitore e një është mbyllur në barazim, pasi kjo është përballja e katërt mes tyre.
LEXONI GJITHASHTU:
- Përfshirja e Elon Musk në politik, rrezikon të fundosë aksionet e Teslas
- Raporti shqetësues i OKB-së: Më shumë se 200 fëmijë të përdhunuar në Sudan
