Java e dytë censit 2023| INSTAT: Për çdo ankesë kontaktoni në numrin jeshil

Java e dytë e nisjes së censit të popullsisë dhe banesave, po ecën mirë. Deri në këto momentet, INSTAT, ka bërë më dije se deri më tani nuk është hasur asnjë pr9oblematikë sa i takon pyetjeve. Ndërkohë qytetarët kanë qenë të gatshëm për t’ju përgjigjyr pyetjeve.

INSTAT sqaron se informacioni i mbledhur nga të gjithë familjet shqiptare është konfidencial dhe i garantuar nga ligji dhe se detyrimi për t’iu përgjigjur anketuesve është detyrim ligjor.

Ndërkohë është vënë dhe njëherë në dukje se kudo që nuk i përgjigjet pyetjeve me detyrim, do të gjobitet deri në 1 milion lekë gjobë. Sa i takon pyetje për fenë, gjuhën dhe etninë, çdo person ka të drejtë të zgjedhë nëse do t’i përgjigjet apo jo.

Për çdo pretendim apo ankesë e çdo qytetari të cilit mund t’i jetë cenuar e drejta për t’u numëruar apo përgjigjur pyetjeve sensitive mbi etninë, fenë dhe gjuhën amtare, INSAT ka vënë një numër në dispozicion ku çdo qytetar mund të kontaktojë.

Censi i Popullsisë dhe Banesave 2023 do të jetë Censi i 12-të, që kur Shqipëria u shpall shtet i pavarur në vitin 1912, ku Censi i parë u krye në vitin 1923. Që prej Censit të vitit 1989, metodologjia e tij ka ndjekur gjithnjë e më shumë rekomandimet ndërkombëtare për kryerjen e Censit.

LEXONI GJITHASHTU:

• Fluks turistësh në korrik, INSTAT: Numri i vizitorëve 39% më i lartë se në 2022
• Internet në çdo ndërmarrje/ INSTAT: 15% e kanë përdorur për shitjen e produkteve