“Je mami, mos u vish kështu”, ekonomistja tregon si nisën kërcënimet në rrjet

Fenomeni i ofendimeve në rrjetet sociale nuk ka kursyer as nënat me fëmijë, veçanërisht nënat që janë moderne, që postojnë foto apo video teksa duken të kuruara, që tërheqin vëmendjen.

Një prej tyre është Dena Topi me profesion ekonomiste, nëna e një vajze me emrin Fladia, të cilat publikojnë shpesh video së bashku në rrjetet sociale.

Në një intervistë për emisionin GoodMorning Albanians në Euronews Albania, ajo tregoi se ka marrë ofendime deri edhe kërcënime për shkak të videove që poston në rrjetet sociale me të bijën.

Ajo u shpreh se ofendimet nisën kur nisi të postonte video ku vishej me të njëjta rroba si e bija ose shkëmbenin rrobat me njëra-tjetrën.

“Komenti i parë negativ ka qenë kur kemi ndërruar veshjen, unë vesha rrobat e Fladias dhe ajo të miat. Aty nisën komentet; je mami, pse vishesh si goca, po kërkon vëmendjen e vajzës. Isha 27 vjeçe, mua më vjen për të qeshur, nuk më bëjnë përshtypje edhe për faktin se unë jam bërë mami shumë  re, që 19 vjeç dhe paragjykimi më ka përndjekur. Unë qesh, nuk më mërzisin komentet negative”, tha ajo.

LEXONI GJITHASHTU:

• 22-vjeçarja u kërcënua nga ish-i dashuri, i theu xhamin e makinës
• Deklaratë seksiste?! Burrat i zë gjumi për 3 sekonda, gratë rrinë e mendojnë…