Jorida Tabaku: Fatkeqësi nëse e nisim parlamentin pa reformë zgjedhore

Deputetja e partisë Demokratike Jorida Tabaku ishte këtë të mërkurë në mbledhjen e Këshillit Kombëtar të Integrimit, ku duke ju drejtuar kryeparlamentares Lindita Nikolla tha se ajo dhe parlamenti ka për momentin dy sfida, duhet t’i ofrojë opozitës kushtet për të ushtruar rolin e saj dhe të bëjë reformën zgjedhore.

Tabaku tha se to të ishte fatkeqësi në politikën shqiptare nëse nisej parlamenti pa reformën zgjedhore.

“Dy sfida janë për parlamentin dhe për ju, së pari hapësira që i ofrohet opozitës në Kuvend me të gjitha instrumentet, qoftë edhe me komisionet hetimore, për të ushtruar rolin e saj dhe së dyti është reforma zgjedhore.

Do jetë fatkeqësi në politikën shqiptare nëse ne e nisim sesionin e ardhshëm dhe dështojmë të kemi një reformë zgjedhore të bazuar në rekomandimet e OSBE-ODIHR. E di që kjo nuk është e gjitha në mandatin tuaj, por besoj se duhet të luani një rol, për t’i çuar përpara këto drejtime. Shpresoj të kemi një fokus të ri në rolin që do të ketë kuvendi në procesi e integrimit.

Për të ndjekur kanalin e youtube të Euronews Albania KLIKO KËTU! 

LEXONI GJITHASHTU:

• Shpërthen transformatori anës lumit, 15 persona humbën jetën nga elektricieti
• “Pse nuk sanksiononi Serbinë?”- Kongresmeni amerikan “zë ngushtë” Escobar