Josif Gjipali: Nuk është detyra ime t’i çoj studentët tek masterclassi i Ermonelës

Tenori Josif Gjipali iu përgjigj në emisionin Review kritikave të sopranos Ermonela Jaho lidhur me pjesëmarrjen e ulët në masterclassin e organizuar prej saj duke fajësuar për këtë pedagogët e Arteve.

Gjipali u shpreh se detyra e tij nuk është të detyrojë studentët të shkojnë në një aktivitet, por të bëjë zanatin për të cilin paguhet në Akademinë e Arteve.

“Ne nuk i detyrojmë dot fëmijët të bëjnë atë që duam, jo të detyrojmë studentët. Unë nuk jam qasur fare me këtë gjë, kam qenë në Xhenova duke kënduar një vepër të Verdit me një nga artistët më të mëdhenj që na mëson edhe mua, edhe Ermonelën. Edhe ju të medias po bëni një çik avokatin e djallit. Kërkoni të impononi njerëzit, ka qenë shpallja në Akademi të Artit, ai që do vete, ai që nuk do nuk vete. Detyra ime është të bëj zanatin tim, dhe të bëj punën në Akademinë e Artit, këto të tjerat janë çështje dëshire”, tha Gjipali.

LEXONI GJITHASHTU:

• Josif Gjipali shpjegon deklaratën kundër Ermonela Jahos
• Ermonela Jaho në Tiranë, i “tërheq” veshin talenteve të reja