Julian Deda: Ka vetëm një PD me kryetar Berishën, demokratët të bashkohen

Aktori, njëherësh anëtari i Këshillit Kombëtar të Partisë Demokratike, Julian Deda deklaroi se ka vetëm një PD, me kryetar Sali Berishën.

Në një intervistë për Euronews Albania, Deda nënvizoi se demokratët nuk e kanë luksin të humbasin asnjë votë dhe se të gjithë duhet të jenë të bashkuar.

“Unë besoj se ka vetëm një Parti Demokratike, ka një kryetar, i cili është doktor Berisha, nuk diskutohet kjo histori. Për çështjen e bashkimit, demokratët nuk kanë luks të humbin asnjë votë, asnjë fraksion. E mira do ishte që të ishim të gjithë të bashkuar dhe të gjithë në një mendje.

Nëse ata do ishin dakord për primaret dhe për rregullat e reja të vendosura nga Partia Demokratike aktuale, do isha shumë i lumtur nëse do ishim të gjithë bashkë në këtë betejë”, theksoi ai.

Deda është shprehur i gatshëm të kandidojë përballë Erion Veliajt për Bashkinë e Tiranës, nëse do e vendosin demokratët.

LEXONI GJITHASHTU

• Julian Deda: I gatshëm të kandidoj përballë Erion Veliajt nëse e vendosin demokratët
• Berisha: Aksioni politik i Partisë Demokratike, primaret dhe protestat
• Meta shton presionin ndaj Berishës: Të nxjerrë sa më shpejt kandidatët për zgjedhje