Juristi Skerdian Dhuli tha në emisionin Review në Euronews Albania se Komuniteti Mysliman po përdoret në Borsh për falsifikim pronash.

Sipas tij, lufta e madhe brenda Komunitetit Mysliman, përveç përplasjes së disa rrymave, bëhet edhe për administrimin e pasurive, që komunitetet fetare në Shqipëri i kanë me shumicë.

“Është hera e parë që e them në publik, më del që Komuniteti Mysliman, nuk e di në cilën periudhë, më del që po përdoret në Borsh për falsifikim pronash, ju çoj që nesër me gazetarët tuaj te prona. Mbaj përgjegjësi publike për këtë, e kam të verifikuar. Është pronë publike në Borsh që Komuniteti Mysliman e pretendon si të vetën, por më rezulton që pas komunitetit lidhen persona, që nuk i ndaj dot nëse janë oligarkë apo pjesë e krimit të organizuar. Komunitetet fetare në Shqipëri kanë pasuri pafund dhe lufta më e madhe bëhet për administrimin e këtyre pronave”, tha Dhuli.