Juristja Gjikondi: Dhuna brenda familjes haset kryesisht në zonat rurale

Numri më i madh i dhunës brenda familjes haset në dhomat rurale të vendit, tha në emisionin “Now” juristja Brisida Gjikondi.

Znj. Gjikondi përmendi rastin më të fundit të abuzimit në familje, ku një vajzë 5-vjeçare është shtruar në spital për shkak se i ati kishte ushtruar dhunë seksuale ndaj saj.

Juristja tha se gjëja më tragjike është se e ëma e 5-vjeçares ka mbështetur të shoqin, edhe pse ishte në dijeni të ushtrimit të dhunës.

Brisida Gjikondi tha se duhet të kishte ndërhyrë shteti, duke i hequr kësaj nëne të drejtën prindërore.

“Shteti duhet t’i hiqte nënës të drejtën prindërore pasi në sy të saj ishte konsumuar një vepër kriminale kundrejt fëmijës 5 vjeç”, u shpreh znj. Gjikondi.

Ajo tha se qeveria ka “fjalë të bukura dhe strategji”, por nuk ka bërë diçka për të parandaluar abuzimin seksual të të miturve, një fenomen i hasur jo rrallë në vendin tonë.