“Ka kërcënime, manipulime, shantazhe”, hoxha: Kreu i KMSH u zgjodh pa garë

Bujar Spahiu u rizgjodh një ditë më parë në krye të Komunitetit Mysliman Shqiptar.

Justinian Topulli, hoxhë tha në emisionin Review në Euronews Albania se kreu i KMSH u zgjodh pa garë dhe këtë e tregon fakti se ai mori 82 vota, ndërkohë që 2 kandidatët e tjerë morën nga 3 vota.

Sipas tij, komuniteti mysliman kontrollon këshillin e përgjithshëm, anëtarët e të cilit nuk janë të zgjedhur por të emëruar.

“Në terren ka manipulime, shantazhe, shpesh nuk ka as votime fare, derisa vjen tek ata që zgjidhen. Kemi kërkuar ndryshimin e ngërçit që më shumë se gjysma e këshillit të përgjithshëm të komunitetit mysliman janë të emëruar. Kjo bën që i gjithë komuniteti mysliman të kontrollojë këshillin e përgjithshëm. Nuk bëhen zgjedhje reale, por fiktive. Herën e parë kishte 59 vota, kishte një lloj gare, këtë radhë mori 82 vota, 2 të tjerët morën nga 3 vota. Do të thotë që nuk ka pasur garë fare. Vetë kryetari nuk ka ndonjë kredibilitet fetar, ka kaluar nga zyra në zyrë”, tha hoxha.

LEXONI GJITHASHTU:

• Bujar Spahiu zgjidhet sërish në krye të Komunitetit Mysliman Shqiptar
• Protestë kundër influencës gyleniste, dhjetëra besimtarë myslimanë para Medresesë