Kadilli kundër Alibeajt: I futi Berisha, i bëri ministra e s’ja kanë idenë politikës

Anëtari i Këshillit Kombëtar të Partisë Demokratike, Fatbardh Kadilli mbajti një qëndrim kundër Enkelejd Alibeajt duke e akuzuar se po merr peng opozitën.

Sipas tij ishte Berisha ai që i dha fillimisht mundësinë për t’u futur në politikë.

“Opozitë që pranon të luajë në kategori të dytë është kjo tani dhe përgjegjësia totale është e lidershipit, e Berishës, Bashës, Alibeajt po deshe sepse është e pafalshme kjo që dëgjojmë sot. Ka një vit Alibeaj që është kryetar i kësaj partie, sot e la të marrë vendim?! I ka futur Berisha në politikë, i ka bërë ministra, i ka lënë dhe topin dhe s’dinë të bëjnë asgjë,” – u shpreh Kadilli.

Ai tha për “Barometri” në Euronews Albania se në këtë mënyrë po humb mundësia për të krijuar një opozitë shqiptare dhe rrjedhimisht Edi Rama do të luftojë vetëm me veten e tij.

LEXONI GJITHASHTU:

• Kadilli: Opozita po thellon ‘gropën’ ku ka rënë, po përfiton pushteti
• Kadilli: E keqja më e madhe, që njerëzit kanë mendim negativ për lideret e opozitës