Kakavijë, vazhdon fluksi në kufi, shtohen sportelet e dokumenteve

Përgjatë fundjavës në doganën e Kakavijës vazhdon fluksi i lëvizjes në të dyja anët e kufirit me Greqinë.

Sipas Policisë Kufitare në Gjirokastër, gjatë 24 orëve të fundit shërbimet e SPK Kakavijë kanë përpunuar  12116 shtetas në hyrje – dalje, nga të cilët  4915  në hyrje dhe  7201 në dalje, si dhe 3827 mjete në hyrje – dalje, nga të cilat  1557  në hyrje dhe 2270 në dalje.

Janë rreth 24 mijë shtetas shqiptarë dhe të huaj, që gjatë fundjavës janë regjistruar në sportelet e hyrje-daljes në doganën e Kakavijës.

Fluksi në rritje ka çuar në shtim të numrit të sporteleve të dokumenteve si nga Policia Kufitare ashtu edhe pala greke.

Gjatë fundjavës Policia Kufitare në Kakavije ka punuar me 7 sportele për përpunimin e dokumenteve  3 në hyrje dhe 4 në dalje të tokës shqiptarë. Pala greke ka punuar me 4 sportele 2 në hyrje dhe 2 sportele në dalje ndërsa janë evituar radhët e gjata të pritjes në kufi.

LEXONI GJITHASHTU:

• Kakavijë, vazhdon fluksi i lëvizjes në kufi, 9735 hyrje-dalje brenda një dite
• Fluks në doganën e Kakavijës, rreth 25 mijë persona lëvizën në kufi gjatë fundjavës