Kallas: Dialogu Kosovë-Serbi ka ngecur, po shqyrtojmë mjete të tjera për normalizim

Kryediplomatja e Bashkimit Evropian, Kaja Kallas, gjatë një interviste për Radion Evropa e Lirë, në Strasburg,këtë të mërkurë, tha se Bashkimi Evropian është i interesuar për normalizimin e marrëdhënieve mes Kosovës dhe Serbisë.

Shefja për Politikë të Jashtme e Bashkimit Evropian, thekson se BE e dëshiron këtë gjë qoftë përmes dialogut apo ndonjë instrumenti tjetër.

“Ndoshta është dialogu, ndoshta është një tjetër mjet. Jam e gatshme ta shqyrtoj këtë çështje, dhe do ta bëj këtë së bashku me Përfaqësuesin e Posaçëm në ditët në vijim”, tha Kallas, e cila pritet ta vizitojë Ballkanin Perëndimor javën e ardhshme.

Kallas foli, po ashtu, për ndikimin e mundshëm të luftës tregtare mes BE-së dhe Shteteve të Bashkuara të Amerikës, si dhe për mundësinë e një armëpushimi në Ukrainë, duke theksuar nevojën për përfshirjen e Evropës në çdo negociatë për këtë çështje.

LEXONI GJITHASHTU:

• Grup kriminal i disa vjedhjeve, arrestohen 4 autorët, shpallen në kërkim 3 të tjerë
• Mashtronin të huajt me bursa fiktive, arrestohet organizatori, procedohen 5 të tjerë