“Kam frikë të ardhmen”,-nëna e djalit autik tregon vështirësitë e kaluara në 19 vite

Këtë të shtunë ishte e ftuar në “Real People”në Euroneës Albania Alma, nëna e një djali autik i cili tashmë është 19 vjeç. Ajo tha se ndonëse ka qenë e vështirë është përpjekur të kujdeset më së miri për djalin e saj, por i frikësohet të ardhmes. Ajo ka frikë se kush do ta menaxhojë djalin e saj në rast se asaj i ndodh diçka.

“Djali im ka raste të vështira, si agresiviteti, zgjehdja e ushqimeve, mënyra e menaxhimit të ditës, gjumi gjithashtu ishte shumë problem. Dy tre vite e përballon pagjumësine, por më pas fëmija rritet dhe ndahet koha, ndërsa kështu kur vitet kalojnë 19 vite është histori tjetër pastaj. Unë zgjohem natën bëj ushqimet që pëlqen ai.  Ku e di nëse ndodh diçka nesër? Ku  di unë ç’ndodh me djalin tim. Duhet të mendoj me strategji dhe largpamësi”,-tha ajo.

E pyetur nëse mendon se Mateo djali i saj do krijojë familjen e tij, ajo u shpreh se për momenin është në mbijetesë.

‘Do ishte e bukur, më parë e mendoja, por duke parë këtë agresivitet. Unë jam në mbijetesë tani. Është traumë për të gjithë familjen”,-tha Alma.

LEXONI GJITHASHTU:

• “Gabova dhe kërkova ndjesë”-Rama: Autizmi politik, term i përdorur në akademi
• Dita Botërore e Autizmit, 2394 fëmijë me spektër autik marrin pagesa nga shteti