Kamionistja shqiptare tregon se si të kursesh 15% karburant me 40 ton ngarkesë

Kamionistja shqiptare, Bianka Dervishi thotë se në fillimet e punës së saj, ka harxhuar më tepër karburant kur drejtonte kamionin.

Në emisionin “Good Morning Albanians” në Euronews Albania, Dervishi u shpreh se tanimë kursen 15% karburant, teksa në kamion ka pasur edhe 40 ton ngarkesë.

Dervishi nënvizoi se në fillim nuk e llogariste konsumin e karburantit dhe shtoi se e kishte ‘këmbën e rëndë’.

“40 ton edhe e kam arritur. Në fillimin e eksperiencës sime, harxhoja shumë. Nuk i llogarisja shumë këto gjëra. Tani i llogaris dhe harxhoj shumë më pak, nga sa harxhoja në fillimet e mia. Mund të kursej 15% më shumë, kursej.

Kisha këmbën më të rëndë, tani janë këto detaje që të mëson vetë eksperienca kur je në punë. Ne që punojmë për veten tonë janë shumë, sepse në fund të muajit të del diçka më  shumë”, theksoi ajo.

LEXONI GJITHASHTU

• Eksperti: Shpejtësia, mbingarkesa e konsumimi i gomave harxhojnë më shumë karburant
• Eksperti: Bëhet hile me karburantet, s’merr sasinë dhe cilësinë për të cilën paguan