Kandidati i Lëvizjes Bashkë për Këshillin Bashkiak: Do denoncojmë shkeljet

Redi Muçi, kandidat për Këshilltar Bashkiak për Tiranën, tha se kryetari i kësaj bashkie nuk kishte program për kryeqytetin.

Në një intervistë për emisionin “Good Morning Albanians” në Euronews Albania, ai theksoi se do të denoncojnë shkeljet që bëhen në Këshill dhe do i bëjnë publike të gjithë vendimet që do të merren.

Më tej Muçi shtoi se do bëjnë dhe propozime për projekte në Tiranë.

“Veliaj nuk kishte program për Tiranës. Doli në një emision dhe nxori ca foto, e kaq mjafton. Unë e di se çfarë ai përfaqëson dhe ne shkojmë në këshillat bashkiakë për të propozuar nisma që kanë të bëjnë me shumë hapësira publike, me shumë parqe, me nevojën për ndërtimin e shkollave të reja, por që Veliaj do të vazhdojë aty ku e ka nisur që prej viti 2015. Ne synojmë  të denoncojmë hapur dhe publikisht i vendimeve që diskutohen në Këshillin Bashkiakë. Do propozojmë nisma. Do të denoncojmë dhe nëse nismat kundërshtohen”- tha ai.

LEXONI GJITHASHTU: 

• Kandidati për Këshillin Bashkiak: Vendimet merren nga kryetari, këshilltari si qokë
• Beqiri: 90 % e të burgosurve votojnë për qeverinë në pushtet, ja arsyeja