Kandidati i PS-së në Dibër: Nëse humb i jap dorën kundërshtarit

Kandidati i Partisë Socialiste në Dibër, Rahim Spahi tha në një intervistë për Euronews Albania se është i bindur për fitoren, por në rast se diçka e tillë nuk ndodh ai do t’i japë dorën kundërshtarit dhe do të pranojë humbjen.

“Me ato çfarë kemi bërë në Dibër për një vit, pasi unë vij nga zgjedhjet e 6 marsit dhe nga programi që kemi shpalosur para zgjedhësve besoj që pritshmëria është e lartë. Në krahasim me 2022-shin kemi rritje të votuesve, ndërsa duke marrë një mesatare të viteve të tjera kemi një ulje, mbase ka prej atyre që janë larguar, ka prej atyre që nuk kanë pasur interes të votojnë, gjithsesi për ne ky numër votuesish është i kënaqshëm. Patjetër që pres të jem fitues. Nëse ndodh e kundërta do t’i jap dorën kundërshtarit,” – u shpreh Spahiu.

Deri në këto momente kandidati i PS-së ka grumbulluar 1.567 vota, Ismail Uka i koalicionit “Bashkë Fitojmë” ka marrë 645 vota, ndërsa Naim Gazidede nga Partia Demokratike numëron 115 vota.

Për të ndjekur rezultatin në kohë reale klikoni këtu.

LEXONI GJITHASHTU:

• “Nuk po marr vesh”, nis me probleme numërimi në Dibër, denoncon Ismail Uka
• Nis numërimi në Dibër, ja rezultati i 3 kutive të para