Kane nuk largohet, Dybala i premton besnikëri Romës, Pogba i thotë ‘jo’ Arabisë

Afro 90 mln euro plus bonuse, kjo ishte oferta e fundit e bërë nga Bayern Mynih në drejtim të Tottenham për transferimin e Harry Kane, por që duket se nuk mjafton.

Klubi anglez i ka kthyer përgjigje bavarezëve duke u bërë me dije se për 29-vjeçarin nuk mjafton oferta e bërë, pavarësisht se nuk është e vetmja.

Sipas asaj çka mediat britanike raportojnë, Kane mund të jetë i lirë vetëm nëse oferta i kalon 100 mln euro plus bonuse, diçka të tillë gjermanët ende nuk e kanë bërë.

Roma duket se është disi më e qetë, e së bashku me të dhe tekniku Jose Mourinho. Kjo për faktin se argjentinasi Paulo Dybala ka premtuar besnikëri skuadrës, ndërsa nuk do të largohet pavarësisht ofertave në drejtim të tij.

29-vjeçari kërkohet nga disa skuadra në Evropë, madje dhe në Arabinë Saudite, por duket se dhe sezonin e ardhshëm do të jetë pjesë e kryeqytetasve.

Një tjetër futbollist që i tha jo parave arabe është dhe Paul Pogba. Francezi pavarësisht një sezoni jo pozitiv, mori një ofertë të majme nga Al-Ittihad, ku do të përfitonte plot 100 mln euro. Ka qenë vetë 30-vjecari ai i cili ka refuzuar t’i bashkohet dyshes Kante-Benzema, pasi dëshiron të luajë ende në kontinentin e vjetër. Sa i përket merkatos së Arabisë Saudite, edhe Milinkovic Savic ka qenë në orbitën e klubeve atje, me mesfushorin serb që nuk ka vendosur asgjë sa i përket të ardhmes.

Për të ndjekur kanalin e youtube të Euronews Albania KLIKO KËTU! 

LEXONI GJITHASHTU:

• Milan në çerekfinale pas 11 vitesh, italianët eliminuan Totenhemin
• Supersfida Mançester Junajtid-Totenhem, Konte kërkon fitoren në Old Trafford