Kanosi me armë një person e kundërshtoi punonjësit e policisë, në pranga 62-vjeçari

Një 62-vjeçar ka rënë në pranga pasi për motive të dobëta ka kërcënuar me armë gjahu një shtetas si dhe ka kundërshtoi punonjësit e policisë.

Policia bën me dije se në pranga ka rënë shtetasi S. Xh., 62 vjeç, banues në fshatin Çepë, pasi dyshohet se për motive të dobëta ka kanosur me armë gjahu, shtetasin R. K., 75 vjeç, banues në fshatin Çepë.

Gjithashtu, 62-vjeçari ka kryer veprime që pengojnë zbulimin e së vërtetës (ka fshehur armën e gjahut) dhe ka kundërshtuar punonjësit e Policisë, për kontrollin e banesës.

Në banesën e këtij shtetasi, Policia gjeti dhe sekuestroi 32 fishekë arme gjahu dhe materiale për prodhimin në mënyrë artizanale të fishekëve për armë gjahu.

Vijon kontrolli për gjetjen dhe sekuestrimin e armës së gjahut që ka përdorur 62-vjeçari,për kanosjen.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

LEXONI GJITHASHTU: 

• 27-vjeçarja priste të ribashkohej me burrin, del fotoja intime që i hodhën në TikTok
• Rikthehet bora në zonat malore të Juglindjes, s’ka probleme me qarkullimin