Kante largohet nga Chelsea, francezi zgjedh Arabinë Saudite

Arabia Saudite po merr gjithë vëmendjen e nevojshme duke transferuar yjet e futbollit evropian, ndërsa i fundit në radhë është Ngolo Kante.

Pas 7 vitesh në Londër, francezi i dha lamtumirën Chelseas, ndërsa firmosi për skuadrën e Ittihad. Mesfushori i është bashkuar bashkombësit të tij Karim Benzema, me këtë të fundit i cili pak ditë më parë zyrtarizoi kalimin tek kampionët e Arabisë Saudite.

Kante ka nënshkruar një kontratë 4-vjeçare, ku përflitet se do të përfitojë 25 mln euro në sezon.

Edhe pse në moshën 32-vjeçare, Ngolo Kante cilësohet si një ndër mesfushorët më të mirë në pozicionin e tij, ndërsa kërkohej dhe nga skuadra të tjera në kontinentin e vjetër.

Kante u bë i njohur për Evropën në sezonin 2015-2016 ku ishte pjesë e Leicester Cityt në Premier Leaguen angleze, ku tërhoqi vëmendjen e drejtuesve londinezë.

Në përfundim të sezonit mori ofertën nga Chelsea e më pas ju bashkua këtyre të fundit, ku numëron 190 paraqitje. Në 2016 mori ftesë nga kombëtarja e gjelave, ku ka luajtur 53 ndeshje, madje duke shënuar 2 gola.

LEXONI GJITHASHTU:

• Benzema: Zgjodha Arabinë Saudite sepse jam mysliman
• Kontratë 200 milionë euro në sezon, Benzema: Më bindi Ronaldo për në Arabi