Kaos dhe njerëz të gjakosur, pamje nga përleshja e armatosur në lokalin në Prishtinë

Një person humbi jetën dhe 21 të tjerë mbetën të plagosur gjatë një sherri masiv në kryeqytetin e Kosovës. Ngjarja ka ndodhur gjatë orëve të natës një prej lokaleve më të njohura në Prishtinë.

Sipas policisë, dy grupe të rinjsh janë përfshirë në një përplasje fizike e cila më pas ka degraduar në përdorimin e armëve të zjarrit. Si pasojë e plagëve të marra nga armët e zjarrit, ka humbur jetën Kastriot Ramadani 37-vjeç. Policia thotë se viktima ka ndërruar jetë në spital.

Nga pamjete e publikuara nga mediat kosovare, fill pas ngjarjes së rëndë, shihet mjaft qartë një situatë kaotike me disa të plagosur, ku njëri prej tyre gjendet ende në tokë i dëmtuar dhe i gjakosur.

Mes 21 të plagosurve, 14 prej tyre ishin gra. Disa prej tyre u dëmtuan me sende të forta gjatë përplasjes.

Drejtori i Klinikës Emergjente, Naser Syla, tha për mediat se në urgjencë janë paraqitur 17 persona, 7 prej të cilëve të plagosur lehtë me armë zjarrit. Ndërsa 10 të tjerë kanë pasur dëmtime nga sende e forta.

Të dyshuar për vrasjen e 39 vjeçarit Kastriot Ramadani, janë Dukagjin Nikollaj, një person me precedentë penal në fushën e trafikut të drogës, i shpallur në kërkim dhe nga FBI.

Të dyshuarit e tjerë janë Andi Pajaziti, i cili ndodhet i arrestuar në spital, si dhe Hysni Geci dhe Gëzim Zakuti, po ashtu të arrestuar.

LEXONI GJITHASHTU: 

• Konflikti në lokalin e Prishtinës, humb jetën një person, 4 në gjendje të rëndë
• 1 i vrarë e 17 të plagosur në Prishtinë, autori vrasës serial, kërkohet nga FBI