Kaosi në Kuvend, Bardhi: Opozita nuk do tërhiqet, mazhoranca t’i kthehet arsyes

Kreu i grupit parlamentar të PD, Gazment Bardhi tha në një komunikim për mediat pas mbylljes së seancës të së hënës se aksioni i opozitës do vijojë.

Bardhi u shpreh se opozita nuk ka ndërmend të tërhiqet nga zbatimi i Kushtetutës për të drejtat kushtetuese të opozitës për të ngritur komisione hetimore.

“Opozitës po i mohohet e drejta për të pasur përfaqësues të saj në Komisionin e Reformës Zgjedhore dhe shqiptarëve s’do iu jepet mundësi që në zgjedhjet e ardhshme shqiptarët të kenë zgjedhje të ndershme. Opozitës i mohohet e drejta për të kontrolluar qeverinë. Kjo e drejtë na mohohet prej dy muajsh. Ajo që patë sot ishte vijim i aksionit tonë për të mos lejuar dhe deputetët e PS që të punojnë në mënyrë normale. Sot në Kuvend jemi përballur me rrethimin nga forcat e sigurisë, u rrethuam me forca sigurie. Kjo godinë dhe kjo sallë ka humbur misionin e vetë dhe të përfaqësimit të qytetarëve, por është pushtuar nga forcat e sigurisë. Ne do të vazhdojmë që qëndrojmë në këtë aksion. Nuk kemi ndërmend të tërhiqemi, pasi do të thotë që të pranojmë rënien e shtetit të shtetit të së drejtës. Apeli im për mazhorancës është që në vend të forcës, të fusë në punë arsyen dhe logjikën”, tha Bardhi.

LEXONI GJITHASHTU:

• Berisha: Do vazhdojmë betejën deri sa të krijohen komisionet hetimore
• Tension e tymuese në Kuvend, përjashtohet nga seanca Flamur Noka