Kapen 23 kg kokainë në Itali, arrestohen 2 shqiptarë. Si e trafikuan nga Shqipëria

Shtetasit shqiptarë Përparim Rakipi, 39 vjeç dhe Erion Tola 42 vjeç, janë arrestuar nga policia italiane, pasi dyshohet se kanë trafikuar me autobus nga Shqipëria drejt Italisë një sasi të konsiderueshme lënde narkotike të llojit kokainë.

Sipas mediave fqinje, në flagrancë u arrestua dhe një 31-vjeçar italian, i identifikuar si Luigi Maggio, i cili ishte pritësi i lëndës narkotike.

Gjatë mbajtjes në vëzhgim të 31-vjeçarit italian, oficerët e policisë panë që ai doli nga garazhi i një ndërtese në Lainate dhe më pas u drejtua në Varese, ku ndaloi në Piazzale Kennedy, në zonën e përdorur për parkimin e autobusëve të ardhur nga Shqipëria.

Teksa ndaloi në stacionin e autobusëve ai mori dy pako të bardha, të cilat i vendosi në ndarjen e rrotave rezervë të bagazhit të makinës së tij.

Policët të cilët kishin monitoruar gjithçka, e ndoqën 31-vjeçarin në Cerro Maggiore, ku ai ndaloi në semafor të kuq. Në atë moment është ndërhyrë ku ai u arrestua dhe lënda narkotike u sekuestrua.

Në vendin e rrotës rezervë kishte një pjesë të sajuar ku policia gjeti 23 kg kokainë dhe 6 blloqe heroinë me peshë afërsisht 3.5 kg. Sipas asaj që u rikonstruktua nga agjentët e Komisariatit të Venecias Garibaldi, lënda narkotike e sekuestruar ishte e destinuar për tregun milanez në zonat Loreto, Crescenzago, Lambrate dhe Forlanini.

Policia italiane arrestoi në flagrancë 31-vjeçarin por dhe dy shtetasit shqiparë.

LEXONI GJITHASHTU:

• Kapen 320 kg kokainë në Portin e Pireut me destinacion Shqipërinë, pranga shqiptarit
• Biznesmen në Shqipëri, kush është 54-vjeçari i kapur me 320 kg kokainë në Greqi