Kapet autori i tentativës për vrasje në Shtyllas, tentoi të largohej për në Greqi

Pas disa orë kërkimesh intensive, policia ka vënë në pën 40-vjeçarin N.P., i cili dyshohet se së bashku me babanë e tij tentuan të vrisnin në fshatin Shtyllas 35-vjeçarin Ll.M.

Autori i dyshuar u ndalua teksa po tentonte të largohej drejt Greqisë me autobus nga Konispoli.

Kujtojmë që Shtetasi P. P. dhe djali i tij, shtetasi N. P., dyshohet se këtë të dielë, gjatë një konflikti për motive të dobëta, kanë goditur me mjet prerës (sopatë), shtetasin Ll. M., 58 vjeç, i cili ndodhet në spital nën kujdesin e mjekëve.

Njoftimi i policisë

Kapet duke tentuar të largohej për në shtetin Grek, autori tjetër i ngjarjes së ndodhur në fshatin Shtyllas, ku babë e bir tentuan të vrisnin shtetasin Ll. M.

Pas disa orë kërkimesh të pandërprera, shërbimet e Komisariatit dhe të Drejtorisë Vendore të Policisë Fier, kanë marrë informacion se autori po largohej në drejtim të Sarandës.

Forcat operacionale të Komisariatit të Policisë Fier janë vënë në ndjekje të tij dhe në bashkëpunim me Komisariatin e Policisë Sarandë bënë të mundur kapjen e shtetasit të shpallur në kërkim N. P., 40 vjeç, në momentin që do hipte në autobusin e Konispolit, me qëllim që të largohej për në Greqi.

Në vijim të veprimeve procedurale u bë ndalimi i këtij shtetasi për veprën penale “Vrasja me paramendim”, e kryer në bashkëpunim, e mbetur në tentativë.

Materialet i kaluan për veprime të mëtejshme Prokurorisë pranë Gjykatë së Shkallës së Parë të Juridiksionit të Përgjithshëm Fier.

LEXONI GJITHASHTU:

• Babë e bir tentuan të vrisnin me sëpatë një person, arrestohet 63-vjeçari
• Flakët rrezikojnë banesat në Lazarat, zjarrfikësit ndërhyjnë për shuarjen e zjarrit